Iap jyllop u samla 25 snem katba dang jngi hapoh ka kshaid Mawsawa
Uwei u samla uba kyrteng u Hemangshu Deka 25 snem rta u la duh ei ia la ka jong ka jingim hadien ba u la ngam jyllop katba u dang jngi hapoh ka kshaid Mawsawa kaba don hapoh East Khasi Hills District.
Une u lanot u dei uba North Guwahati uba sah hajan ka Indian Insitute of Technology (Permanent Address) Nagaon, Assam, la ong ki pulit.
La iathuh ba u Deka ha ryngkat ki paralok jong u ki la leit shangkai sngewbha shapoh katei ka kshaid Mawsawa kaba don ha Mawkma, East Khasi Hills, u Deka u la ngam jyllop katba u dang jngi khlem ka jingpyndonkam ia ka life jacket.
Ia ka metiap jong une u samla la ioh ban sei noh na katei ka kshaid da ka jingiarap jong ki trai shnong kiba don marjan ha katei ka kshaid bad hadien la pynkynriah noh ia ka met shapoh Sohra CHC na ka bynta ban leh ia kaba donkam.
Facebook
Instagram
Youtube
Twitter
Leave a Reply