Iap ngam jyllop u samla ha Nongbah

Syllad | The Rising MeghalayaAugust 3, 2020

Uwei u samla ba la tip kyrteng Kynsai Naiang (17) ula iap ngam jyllop ha Wah Myntang haka Sngi U Blei

Ka khubor kaba iohlum na ki Pulit ka iathuh ba kane ka jingjia iap ngam jyllop une u samla kala jia haka Sngi U Blei haka por kumba 1 baje ha ka thwei Lumkor, ka bynta jong ka Wah Myntang. U Kynsai bad ar ngut kiwei ki paralok kila leit sum ha katei ka thwei.

Ki Pulit jong ka Phramer Traffic Cell marsien ioh u jingtip ryngkat bad ki nongshong shnong ka Mulang Nongbah kila wad ia u, hynrei ba khlain bor ka um kim lah leh eiei.

Ki pulit jong ka Phramer kila pyntip sha ka kynhun Search and Rescue Team, Shillong kiba la wan ban iarap bad la ioh ban sei iaka met une u samla na katei ka thwei mynta ka step Sngi Nyngkong.

Bad kane ka jingiap u Kynsai Naiang, haduh 7 ngut ki briew kila duh ei iaka mynsiem ka jingiap ngam jyllop ha West Jaintia Hills District.

Artylli ki jingjia ngam jyllop ka dei ha wah Umngot ha Moosakhia bad Darrang.

Kawei ka jingjia kaba la jia dangshen kadei ha wah Amkshar, Nongbareh. Lai Ngut ki khynnah kiba hapoh 11 snem kila iap ngam jyllop ha ha thwei Moolieh, Wah Kupli.