Iap u samla ba shah thombor ha ki hati khlaw ha Jolgaongre, SWGH

Syllad | The Rising MeghalayaJuly 14, 2024

Uwei u samla uba kyrteng u Rikrak S Sangma 26 snem rta uba dei na ka shnong Jolgaongre, South West Garo Hills u la duh ei la ka jingim na ka jingshah thombor ha ka kynhun ki hati khlaw ha ka janmiet jong ka 13 tarik mynta u bnai.

Kane ka jingjia ka la wan jia hadien ba une u briew u la pyrshang ban beh krad ia ka kynhun ki hati khlaw kiba pyrshang ban pynjulor ia ki jingthung jingtep jong ki nongshong shnong.

Hadien ba la ioh pdiang ia kane ka jingtip ba sngewsih, na ka liang ki bor pulit ka thain ki la pynlong ka jingleit jurip sha katei ka jaka na ka bynta ban pynlong ia ka jingtohkit.

Hadien ba ki la wan poi ha kane ka jaka ki la lapdien ia une u briew uba la khlad noh ia uba la pynthiah ha ka jingrah ba la shna da ki siej hapoh katei ka shnong. Ha ka jingtohkit la shem ba ki nongshong shnong ki la ioh lad ban leit shimti ia kane ka metiap na katei ka jaka hadien ba kine ki hati ki la phet noh sha khlaw.

Ha ka jingtohkit la shem ruh ba une u lanot u dei uba ju trei shitrhem na ka bynta ban iada ia ki jaka khlaw ki jong u hadien ba kane ka jingjia ba sngewsih ka la wan jia.

Katkum ka khubor la iathuh ba ha ka por kumba 7:00 haduh kumba 7:30 katba ka kynhun jong ki hati khlaw ki dang wan tur sha ki jaka ba markhap jong kane ka shnong, na ka liang ki nongshong shnong ki la pyrshang ban beh krad ia ki khnang ban iada ia ki jingthung jingthep.

Hynrei, hapdeng kane ka jingpyrshang une u samla u la ngat ha ka jingshah thombor ha uwei na kine ki hati khlaw kaba la pynlong ia u ba un duh ei ia la ka jong ka jingim.