Iap uwei, mynsaw jur uwei haka jingshah siat ha khappud India Bangladesh

Syllad | The Rising MeghalayaAugust 3, 2024

Lai ngut ki briew kila shah siat, bad uwei khlad noh na ka jingmynsaw jur ha khappud India Bangladesh.

Kane ka jingjia shah siat kala jia haka shnong Lakroh, kaba hap ha Amlarem Sub Division, West Jaintia Hills District.

Ka khubor kaba iohlum kane ka jingjia kala jia haka 2 tarik Nailar ha kaba uwei u briew ula siat dusmon ia kine ki lai ngut kiba na ka shnong Lakroh tang na ka daw ba suba nongtuh dieng.

Ka tyllong khubor kaba thikna ka iathuh ba uwei na ki ula khlad noh ha hospital na ka daw ka jingmynsaw jur na ka bynta ka kjat, katba uwei la pynkit sha ka jaka sumar ha Shillong na ka daw ka jingshitom jur. Uwei pat ula lai salit ha kane ka jingjia shah siat.

La iathuh ruh ba ki pulit kila kem ia uwei uba shah kynnoh bad ka jingtohkit ki pulit ka dang iaid shakhmat.