Ïaroh u MLA Mowkaiaw ïaka jingtreikam ka SURE ba kyntiew iaka kam rep ha Jaintia Hills

Syllad | The Rising MeghalayaDecember 23, 2020

Kum shibynta ban rakhe ïa ka advance Christmas ka Society for Urban & Rural Empowerment (SURE) ha ryngkat ka jingiatreilang bad ka North East Slow Food & Agro biodiversity Society (NESFAS) ka pynlong ïaka jingïalang haka shnong Mulum ha 21 tarik mynta u bnai haka jingïadon ryngkat u MLA jong ka thañ u ma Nujorki Sungoh kum u shahkhot kongsan.

U Ma Nujorki Sungoh MLA haka jingkren jong u, ula ïaroh shikatdei eh ïaka jingtrei kam jong ka SURE ha kine ki thañ kaba la wanrah ruh ïaka jingkylla khamtam ha kaba ïadei bad ka rep ka riang. Ha kajuh ka por ula ong ruh ba ki paitbah ka shnong Mulum ruh ki dei kiba shimkhia ha kano kano ka program ba ki ioh na ka SURE bad dei namar kata ba ki kam ki ïaid shaphrang. Ula ong ruh ba ki nongshong shnong ki dei ban don ka jingiatylli lang khnang ban wan rah ka jingkylla hapoh shnong poh thaw bad dei namar kata ba ka shnong Mulum kala paw bha mynta ha ka liang ka kam rep jhur tynrai.

Ka Kong Hamsniawpher Suchiang kaba long ka convener jong ka participatory guarantee schem (PGS) group kala iathuh shaphang ka jingsdang kane ka group kaba long ka kynhun kaba la ïoh ïaka syrnot jingithuh ïaka rukom rep tynrai. Hakajuh ka por kane ka kynhun ka la lah ban leit die ruh ïaki jhur khlem dawai shaki shnong ba marjan lyngba ka skhim kaba la tip kum ka Farm on Wheel (ka ïew ha ki shaka kali). Da kaba pyndonkam ïakane ka skhim kine ki nongrep kila pyndap jhur ïaki shnong kiba marjan. Ka kong Suchiang kala ïathuh ruh shaphang ka community seed bank ne ka jaka lum symbai tynrai ba ki la buh hapoh ka shnong Mulum. Kala ong ruh ba thong jong kane ka CSB ka long ban pynneh pynsah ia ki symbai tynrai khnang ba kin ym duh jait.

U West Suchiang, Rangbah Shnong ka shnong Mulum ula pynpaw iaka jingsngewnguh ia ka SURE ba ki la jied ia ka shnong Mulum ban donlang ha kane ka project bad u la iathuh ia ki kam ba la dep leh ha ka shnong kum ka jingsdang ia ka kper skul (School garden), ki programme bapher bapher ki ba iadei bad ki khynnah skul, ki longkmie, ki khynnah samla, ka jingpynneh pynsah ia ki symbai bad kumta ter ter.

Kane ka dei ka programme kum shibynta jong ka project ka ba ai kyrteng ka “No one shall be left behind: initiative” ba la bei tynka bad kyrshang da ka Rural Electrification Corporation, New Delhi. La pyniaid ïaka jingïalang da ka Pasqualina Lamare kaba long ka Project Coordinator jong ka SURE bad ka kong Daka Bareh, Field Coordinator ka SURE ka la batai shaphang ki kam ba la dep leh na kane ka project hapoh ka shnong Mulum. Nalor ka shnong Mulum ka SURE kala trei ruh haka shnong  Mukhap kaba don hapoh ka Laskeiñ block. Ha kane ka sngi la ïadonlang ruh u Secreatary ka shnong ma Dieky Suchiang, tymmen basan Ma Bigi Suchiang, Members  ka PGS group, ASHA, Youth club bad ki nongtrei ka SURE.

Ha kane ka sngi la don ruh ki jingrwai ba la ai da ki Iaraplang PGS group bad Youth club jong kane ka shnong. Ki dkhot ka Youth Club kila ïashim bynta ruh da kaba ai jingrwai haka online ZOOM Advance Christmas kaba la ïashim bynta da ki dkhot bad nongkyrshan ka NESFAS kiba don ha kylleng ka pyrthei. U bah Phrang Roy uba long u chairman ka NESFAS ula ai ïaka ka jingkren ha kane ka sngi naka nongbah Rome. La pynwai ia kane ka program da ka jingot ia u cake Christmas bad la ai ia ka jingduwai ainguh da I tymmen basan Bigi Suchiang.