Iashim bynta ka MLBA ha ka “Lawn Bowls National Championship 2023” ha ka sien ba nyngkong

Syllad | The Rising MeghalayaOctober 2, 2023

Ka Meghalaya Lawn Bowling Association ha ka sien kaba nyngkong eh kan leit ban mihkhmat ia ka jylla sha ka 8th Senior bad 4th Under 25 “Lawn Bowls National Championship 2023” ba la pyniaid da ka Bowling Federation of India (BFI) ha ka nongbah Guwahati naduh ka 21 haduh ka 30 tarik Nailur 2023.

Kane ka dei kawei na ki jingialehkai kaba kum ka jylla kan hap ban pynkhreh na ka bynta ka “39 National Games” ka ban sa long hapoh jylla Meghalaya ha u snem 2025/2026.

Ha kane ka sien kaba nyngkong ka kynhun na ka jylla Meghalaya ka kynthup ia hynniew ngut ki kynthei bad hynniew ngut shynrang nalor u coach hapoh jingialam jong u Bah Precious Ranee, Manager ka MLBA uba long ruh uwei na ki vice president kane ka seng Meghalaya Lawn Bowling Association.