Ïashimbynta da ki spah ngut haka Independence Day Run ha East bad West Jaintia Hills
Kum shibynta ban rakhe ïaka Azadi Ka Amrit Mahotsav ne ka jingrakhe iaka lyngkhuh snem ba 75 ka jingioh laitluid ka ri India, ka ophis u District Sports officer, East bad West Jaintia Hills District kala pynlong iaka Independence Day Run ha Khliehriat bad ha Jowai haka 15 tarik une u bnai.
Ha Khliehriat haduh 75 ngut ki nongmareh kila shimbynta bad ha Jowai 80 ngut.
Ha Khliehriat la kaweh iaka lama da u ma James Sutnga working president East Jaintia District Football Association bad ha Jowai da u DSO Ma Khroobok Passah.
Ia kane ka jingmareh la sdang na Kiang Nangbah Stadium ha Jowai bad la pynkut ha u mot sah nam u Kiang Nangbah ha Syntu Ksiar bad ha Khliehriat la sdang na DC Ophis Khliehriat bad la pynkut ha ophis DC barim.
Ki nongmareh baroh kila ioh iaka syrnod iashimbynta.
U District Sports Officer, West Jaintia Hills District uba peit ruh shipor iaka East Jaintia Hills , U Ma Khroobok Passah haka 14 tarik kila pynlong ruh iaka webinar halor ka phang ‘Freedom fighters of the Jaintia Hills’.
Facebook
Instagram
Youtube
Twitter
Leave a Reply