Iashimbynta ka jylla haka 1st East Zone Sub-Junior under 14 Roll Ball Championship ha Guwahati

Syllad | The Rising MeghalayaDecember 18, 2021

Ka 1st East Zone Sub-Junior under 14 Championship Roll Ball kaba la pyniaid da ka Roll Ball Federation of India bad ka Assam Roll Ball Association kan long ha ka 19 tarik haduh 20 December 2021 ha jylla Assam, Dispur Skating Rink, Guwahati.

Kane ka lympung ka kynthup iaki shynrang bad kynthei bad ki jylla kiba iashimbynta kilong ka Meghalaya, Odisha, West Bengal, Bihar, Assam, Arunachal Pradesh, Manipur, Chhattishgarh bad Jharkhand.

Ka jylla Meghalaya kan sa iashimbynta ha kane ka lympung bad ki players, coach bad team manager kiba la shah jied na ka liang jong ka Meghalaya Roll Ball Association ki long Badondor Ryntathiang (Captain), Kevin Dkhar, Adriel Shangoi, Hubert Nongkynrih, George Chyrmang, Gareth Kharbyngar, Vijay Das bad Shamar Hajong. Coach: Suklang Dkhar uab long ruh u Secretary of Meghalaya Roll Ball Association.