Iashimbynta ki nongshong iew ban pynkhuid iaka Iawmusiang

Syllad | The Rising MeghalayaSeptember 30, 2022

Mynta ka sngi Thohdieng, ki paidbah kynthup ia ki nongdie jingdie, ki trai dukan bad kiwei kiwei kila mih paidbah dang step ban pynkhuid ia ka Iawmusiang baroh kawei. 

Kane ka jingpynkhuid iew kadei kaba la ju pynlong man u snem ban rakhe iaka sngi kha u Mohandas Karamchand Gandhi haka 2 tarik Risaw, hynrei mynta ka kynti ka hap ha ka Sngi U Blei la pynbeit noh ban pynkhuid mynta ka sngi.

Ia kane ka jingpynkhuid ia kane ka Iawmusiang la pynbeit da ka District Administration ryngkat ka jingiatreilang ka Dorbar Chnong Tympang Club, Jowai, Iaw Chor ne CNI Market, Seinraij Jowai, Jowai Presbyterian (Iaw Chyiap) Market.

Baroh ki dukan kumjuh ka iew baroh kawei kala khang khyrdep lut tad haduh ban da dep ka jingpynkhuid Iew.