Iashimbynta shitrhem ki khynnah skul bad nonghikai haka prokram Swachhata Pakhwada ha Jowai

Syllad | The Rising MeghalayaSeptember 18, 2021

Ka Swachhta Pakhwada-ka prokram ban ialap iaka jingkhuid jingsuba kaba la maitphang da ka Ministry of Human Resource jong ka sorkar pdeng ar taïew lynter kala sdang naduh ka 1 tarik haduh 15 tarik Nailur ha ki skul ha sor Jowai.

Ka Swachhata Pakhwada kadei ka prokram ban pynshlur ia baroh u nongshong shnong ha kaliang ban pynlong iaki shnong ki thaw, ki shlem ai jinghikai bad kiwei kiwei kiba khuid ba suba.

La sakhi ba ki nonghikai bad ki khynnah skul ryngkat ka jingïatreilang ki dkhot  SMC, ki longkmie longkpa bad ki nongshong shnong kila shim bynta shitrhem ha kane ka prorkam ba ar taiew.

Hapdeng ka jingshah tynjuh ka ri hadien bala wan lynsher ka khlam COVID-19 ha une u snem ka Ministry of Human Resource la pynkyrpang ia kane ka prorkam da kaba kren iaka khubor halor ka jingpang khlam bad ki lad ïada ba ki khynnah kidei ban bud kumjuh ki nonghikai, ki longkmie longkpa bad ka imlang sahlang hi baroh kawei.

Ki khynnah bad ki nonghikai ban wanrah ïaka jingkhuid kila shimbynta haki jingïakop kum ka jingdro dur, ka jingïakop shna tiar da kaba pyndonkam ïaki tiar kiba ym donkam ban thied ne ki Waste materials.

Haka jingrakhe ia kane ka prorkam ha Pohmusiang UPS SSA la pynïaid da ka Head Teacher ka Kong Sonita Passah ka la don ka jingsam khusnam sha ki nongjop haki jimgïakop bapher katba ha Chilliangraij SSA Upper Primary School, Jowai la ïadonlang da u Damehiwot Pde, Waheh shnong Chilliangraij kum u kongsan.

U Damehiwot Pde ula kren ai mynsiem ïaki khynnah ban long kiba imsngi bad ban pynlut por ïalade haki kam kiba bha ki ban tei ïaka lawei jong ki bad ula kyntu ban shimkhia ban bud ïaki adong adit ba la pynbna ka sorkar kiba long ki lad ïada na ka jingpur ne ïoh ïa u khñiang jingpang COVID-19.

Ka Handakaru Ïakai, Head teacher Chilliangraij SSA Upper Primary School, Jowai ka la kyntu ïaki khynnah ban bat ban ksoh ïa kino kino ki jinghikai ne ki jingbatai ba ki la ïoh ha kine ki ar taïew jong kane ka prokram bad ba kin long ki khynnah kiba tip ban bat ïaka akor ka burom bad ban pyndep hok ïaka kamram kum ki khynnah skul.