Iashimbynta u Speaker bad Deputy Speaker ha ka 10th CPA India Region Conference

Syllad | The Rising MeghalayaSeptember 25, 2024

U Speaker ka Jylla, u Thomas A Sangma bad u Deputy Speaker u Timothy D. Shira ki la leit iashimbynta ha ka 10th Commonwealth Parliamentary Association (CPA) India Region Conference kaba la long hapoh Lok Sabha, New Delhi ha ka 24 tarik u Nailur.

Kane ka jingialang ka pynleit jingmut halor ka mat, “The Role of Legislative Bodies in the Attainment of Sustainable and Inclusive Development”.

Na ka liang u Lamphang u la pynpaw ba kane ka dei ka sien kaba lai ba u la leit ban iashim bynta ha ka CPA Conference. Nalor kata u la pynpaw ruh halor ka jingkongsan jong kaba kum kane ka Conference, da kaba ong ka ai ia ki jingtip kiba jylliew ha kaba iadei bad ki kyndon pyniaid kam hapoh ka Iingdorbar thaw ain.

U la pynpaw ruh ba ka CPA Conference ka la iarap shibun ban kyntiew ia ka jingsngewthuh bad jingshemphang jong u, kaba la pynlah ruh ia u ban kham tbit ban pyniaid ia ki kam hapoh ka iingdorbar thaw ain ka jylla.