Ïasoh ka AJPM sha JSM thaw da ka ‘Social Cell’ ban ïarap ïaki para briew

Syllad | The Rising MeghalayaMarch 23, 2019

JOWAI: Ka All Jaintia People Movement (AJPM) ka seng kaba la mih pyrthei naduh u snem 2016 kala khylliap noh ïaka lama jong ka, hynrei ki nongïalam bad dkhot jong ka kila rai ban ïasoh bad ka Jaiñtia Student Movement (JSM).

Ka AJPM kaba ïalam da u Ardipaul Rymbai hadien ka jingshakri jong ka ïaka imlang ka sahlang da kaba ai snam sngewbha ïa kiba donkam snam kyrkieh haka shitom shipa kala rai ban ïasoh noh bad ka JSM ban nang pynkhlain ïaka jingshakri jong ki sha ki para briew.

Ka Central Executive Committee jong ka (JSM) kaba la long ha jaka treikam jong ka Khliehmyntirang haka sngi Saitjaiñ Lber 23 kala pdiang sngewbha ïa baroh ki dkhot ka AJPM.

La ïadonlang u President ka JSM u Leningstar Rymbai bad kiwei kiwei ki nongialam ka JSM na ki tnad bapher bapher. Ka JSM kala pdiang sngewbha ïa baroh ki dkhot ka AJPM sha ka JSM ba la thaw ïa kawei ka tnad kaba tip ‘Social Cell’ jong ka JSM ban khlieh da u Ardipaul Rymbai kum u Chairman.

Kane ka Social Cell kan treikam ha ki bynta bapher bapher kiba ïadei bad ka pule ka puthi, ka jingai snam sngewbha, ka jinglehkhuid, ban hikai ban iaki samla ban ieng hala ki jong ki kjat nalor kiwei kiwei kiba dei ban kyntiew ïaka imlang ka sahlang.