Iasoi MoU ka Tnad Pule Puthi ka Jylla bad ka Anudip Foundation ban kyntiew ia ka jinghikai Saian

Syllad | The Rising MeghalayaSeptember 5, 2024

Ka Tnad Pule Puthi ka Jylla hapoh ka Samagra Shiksha ha ka 4 tarik Nailur ka la ia soi ia ka Memorandum of Understanding (M0U) bad ka Anudip Foundation.

Ha kane ka jingiasoi la iadon lang da u Swapnil Tembe, IAS, Director jong ka School Education & Literacy u Director jong ka State Project, Samagra Shiksha; Monisha Banerjee, u CEO jong ka Anudip Foundation, u Andrew Warjri, Deputy State Project Director, Samagra Shiksha bad kiwei kiwei ki heh na kine ki ar kynhun.

Kane ka MoU ka thmu ban pynrung ia ki jingtbit jong ka spah snem kaba 21 sha ki samla pule ha kylleng ka jylla, da kaba pynleit jingmut kyrpang ha ka jinghikai Saian (Science).

Kane ka jingthmu kan pynkup ia ki samla pule da ki sap kiba donkam na ka bynta ka jinglah ban ioh kam ha ka lawei bad kan pynmih ia ka jingsngewtynnad kaba jur ha ki bynta jong ka Science bad STEM, da kaba pynleit jingmut kyrpang ha kaba pynshlur ia ki khynnah kynthei ba kin beh sha kane ka bynta.