Ïatai halor ka jingktah ki ‘Social Media’ ha Saitsama

Syllad | The Rising MeghalayaJanuary 24, 2019

JOWAI: Ka Vanglai Club kaba don haka shnong Saitsama, Thadalskeiñ block ryngka bad ka NYK Jaiñtia Hills kala pynlong ïaka District Youth Convention kala pynlong ïaka jingïatai halor ka “Jingktah ki Social Media” ïa ki khun samla ha kine ki sngi.

U H.H.Mohrmen uba la sdang da kaba pynshai ïaka jingïapher hapdeng ki ladpathai khubor babun balang (mass media) bad ki ladpathai khubor jonglang (social media).

Ula ong ruh bad kiei kiei baroh ki don arliang kum ka tynka pliah, kaba sniew bad kaba bha, kumta ka shong ha uwei pa uwei ne kawei pa kawei ban jied la kin pyndonkam ïa ka na ka bynta kaba bha ne kaba sniew. Ula  pynkynmaw ïa ka jingmyntoi ba kala wan rah ïa ka jingïajan bad ka pynsuk ïa ka jingpathai khubor bad ha kajuh ka por ki briew kiba shim kabu ki pyndonkam ïa ki ladpathai khubor jonglang ban pynshaphriang ïa ki khubor bym shisha (fake news) bad kiwei pat ki kam sniew.

Ïa jingïarap na ka bynta ban pynlong ïa kane ka Districk Youth Convention la bei pisa da ka ophis jong u District Youth Coordinator jong ka Nehru Yuka Kendra Sangathan West Jaiñtia Hills District. Ha kane ka sngi la ïoh ruh ïa ka jingkren na u samla Dawan K. Lyngdoh uba long ruh u kyrtong MDC na kane ka thaiñ (Mynsngat-Khanduli). U Waheh Chnong jong ka shnong Saitsama u Karbar Syngkong ula ai ïa ka jingkren pdiang sngewbha, ïa ka jingkren ai khublei la aid a u samla L. Sumtingkha bad ïa ka jingïalang la pynïaid da u L. K. Laloo President ka Vanglai Club, Saitsama.