Iatreilang ka Govt. Boys’ HSS bad ka shlem ai jinghikai football

Syllad | The Rising MeghalayaSeptember 14, 2019

JOWAI: Ka Football Academy of Meghalaya (FAM) ka shlem ai jinghikai phutbol ha Rilum Jaintia Hills kala iatreilang bad ka Govt. Boy’s Higher Secondary School, Jowai ban ai jinghikai ïaki khynnah ialehkai football bad ban pynbiang iaka pule puthi ki khynnah ialehkai ha kane ka skul.

Katkum u kyrwoh bala phah Ajoymeson Lyngdoh NEIG CEO, ula ong ba ki khynnah kiba shah jied ban rung ha kane ka shlem ai jinghikai haki kyrdan bapher bapher kin ïoh ka lad ban leit skul ruh ha Govt. Boy’s Jowai.

Ula ong ba ka bor pynïaid jong ka skul Govt. Boy’s Higher Secondary School, Jowai bad ka FAM kila iakut bad iatreilang ban kyntiew iaka kam ialehkai football haka district. Ka Govt. Boy’s HSS ka la ai kylluid mynsiem ruh iaka madan jong ka skul ban pynlong ia ki jingai jinghikai phutbol bad ban jingkilan met ki player. Yn shna ruh ia ka Gym ban pynbit pynbiang ia ka met ka phad jong ki khynnah ha kane ka skul.

Ha kajuh ka por NEIG kaba dei ka nongpyniaid iaka Football Academy ka ai khublei ïaki nonghikai ka Govt. Boy’s Higher Secondary School, Jowai kiba kyrshan iaka FAM kaba la ai mynsiem ba kin treishitom ban kyntiew ia ka kam ialehkai phutbol ki khynnah rit bad samla ha kane ka district.

U Ajoymeson Lyngdoh ka ai khublei ia u myntri sorkar jylla u Ma Kyrmen Shylla uba la don barabor ha syndah ka NEIG bad FAM. Ula ong ba une u Myntri u dei u nong prat lynt ban pyniaid shakhmat ban sdang ia kane ka shlem ai jinghikai football.