Iehnoh kam sa u Bah RG Lyngdoh kum u nongaibuit ka MSOA

Syllad | The Rising MeghalayaJanuary 19, 2022

Ka drama iehnoh kam haka synjuk ialehkai haka jylla, kata haka Meghalaya State Olympic Association (MSOA), kala bteng biang mynta ka sngi, hadien ba u bah Robert G Lyngdoh ula rai ban iehnoh iaka kam kaba u bat kum u Adviser jong ka MSOA.

U Bah Robert ula phah iakam shithi iehnoh kam jong u sha u President bad kumjuh sha u working President jong ka MSOA, ba ma u ruh u la rai ban iehnoh iaka kam kum u nongaibuit ne u adviser  MSOA.

U Bah Robert katkum ka shithi kaba ula phah ula thoh shai kdar ba um lah satia ban peit ne ba un shu sngap ia kaei kaba la dep ban jia ia u General Secretary MSOA Chiranjib Choudhury, kaba na ka jingmushlia da ki sengbhalang, ka pynlong ia u Chiranjib Choudhury ha ka janmiet ka sngi Thohdieng ka taiew bala dep ba un hap ban ieh noh ia kane ka kam.

Ha ka shithi kaba u Bah Robert ula pynpaw shai kdar ka daw kaba la pynlong ia u general secretary barim ka MSOA  ba un hap ba un ieh noh ia kane ka kam ka long da shisha ka jingjia ka bym pynsngewtynnad, katno tam lei lei, haba kala don wat ka jingwan ban mushlia da ki seng bhalang jong ka jylla, kaba pynlong ia u pud ba un hap ban ieh noh ia kane ka kam.

Hadien ka jingiehnoh kam Chiranjib Choudhury, haka sngi kaba bud ka executive committee jong ka MSOA, kaba la shong kyrkieh, ka la jied noh ia uwei naki Jt. Secretary, Kata ia u Bah Finely L Pariat kumu General Secretry uba thymmai jong ka MSOA.

U Bah RG Lyngdoh bad u Chiranjib Choudhury, ki bat iaka kam kum President bad Secretary jong ka Meghalaya Table Tennis Association (MTTA).