Iehnoh kam u heh nongialam ka BJP Meghalaya na ka party

Syllad | The Rising MeghalayaSeptember 6, 2023

U nongialam ba hakhmat ka seng Bharatiya Janata Party (BJP)  ka jylla uba dei ruh u nongaiktien ka party u Bah HM Shangliang u la phah ia ka shithi iehnoh kam bad na ka jinglong dkhot hapoh ka party.

Ha ka shithi iehnoh kam ba la phah sha u president ka BJP Meghalaya mynta ka sngi Balang, u Bah Shangpliang u la kdew halor ki jingiapher jingmut bad u president jong ka party ha jylla bad kynnoh ruh halor ki kam leh shiliang kiba don hapoh ka party hapoh ka jingpeit jingkhmih jong kine ki nongialam kiba mynta.

U Bah Shangpliang u la pynpaw ba u la trei shitrhem na ka bynta ka party ha kiba bun ki bynta bad ruh kum u dkhot jong ki party sain hima ka jylla ban iamir jingmut halor  bhah thungkam thungjam ha ka jylla ne ka  State Reservation Policy kaba mat ka mat kaba khluit bha ha ka jylla.

Hynrei, u la pynpaw ba ki don shibun ki mat ne issue kiba u la bteng ban rah sha u president ka party ka jylla kaba thmu ban kyntiew ia ka jingtreikam jong ka party ha Megyhalaya khamtam ha ki thain nongkyndong da kaba aijingmut ruh halor ki sienjam kiba dei ban shim, kata da kaba pynshong nongrim ruh halor ka jingbym lah ban lehbha ha kane ka ilekshon kaba dang shu dep shen ha ka jylla hynrei kane kam shym la urlong satia.