Iehnoh kam u President ka San Shnong Congress Circle

Syllad | The Rising MeghalayaNovember 21, 2022

U Ma Pdok Tariang, uba long uwei na ki dkhot ba pawkhmat jong ka Khliehriat Block Congress Committee naduh u snem 2003 bad u bat ruh mynta kum u President jong San Shnong Congress Circle (Pynthorsale, Mookhaiialong, Mutong, Cham Cham bad Lumshyrmit) , u la iehnoh na ka kam president haka sngi Thohdieng ka taiew kaba la dep.

U Ma Pdok Tariang u la phah noh ia ka shithi iehnoh kam sha u General Secretary ka Khliehriat Block Congress Committee sha u Rimistar Dkhar bad ula ong ba ula rai ban iehnoh iaka jinglong dkhot ka seng Congress na ki daw shimet jong u.

U Ma Tariang u dei uwei na ki nongtrei ba shitrhem bad ba radbah jong ka party naduh ki snem bamynshwa bad u dei u briew uba la noh synniang shibun eh na ka bynta ka shnong ka thaw bad ka imlang sahlang.

U Ma Tariang ula pynbna paidbah ba ha kane ka elekshon ban wan 2023, u la rai ban kyrshan borbah ia u MLA ba mynta uba dei u myntri sorkar U Ma Kyrmen Shylla.