Iehnoh kam u Saleng kum u MLA ka Gambegre; hiar ka jingdon ki dkhot Congress ha ka iingdorbar
U MLA ba lai samoi kynthih ka Gambegre, West Garo Hills, u Saleng A Sangma haka 10 tarik Jylliew u la iehnoh kam kum u dkhot ka iingdorbar thaw ain ka Jylla bad pynkhreh ban aijingshakri paidbah da ka lynti kaba thymmai kum u MP ka Lok Sabha na Tura Constituency.
Ia ka shithi iehnoh kam jong une u MLA ka Gambegre la phah sha u Lamphang ka iingdorbar thaw ain u Thomas A Sangma bad la aiti lyngba u Commissioner & Secretary Andrew Simons.
![](https://www.syllad.com/wp-content/uploads/2024/09/JIT-Vacancy-823x1024.avif)
Kane ka jingiehnoh kam jong u Saleng kala nang pynduna ia ka jingdon ki MLA ka Congress ha Iingdorbar Thaw Ain ka Jylla, kata satang sawngut khamtam ha Ri-lum Garo ka bym don shuh ki nongmihkhmat ka party.
Haba kren sha ki lad pathai khubor, u Saleng u la ong, “Nga la shah jied shapoh Lok Sabha kumta shwa ban shim smai Nga tharai kan bha ba ngan iehnoh kam bad iehnoh ia ka Gambegre Assembly seat.
U la pyntip ruh ba un iamir jingmut bad ki briew ki jong u kumjuh bad ki nongialam ka party ha kaba iadei bad ka jingjied ia u kyrtong na ka bynta ka ilekshon shiteng samoi na ka bynta ban pyndap pat ha kane ka jaka kaba thylli.
Halor ka jinghap shong jong ka INDIA Bloc ha ka liang pyrshah, une u MP ka Tura ula ong, “Mynta Ngam tharai ba kane kan dei ka sien kaba nyngkong na ka bynta jong nga ban don ha ka liang pyrshah. Nga la don ha ka liang pyrshah ha baroh kine ki san snem kum u MLA ba marwei. Mynta Nga la don paralok hapoh parliament.
“Kum ka INDIA Block ngi pyni ia ka dur kaba shisha bad ia ka mynsiem jong ka synshar paidbah, kumta ruh ngi la ia don ryngkat lang bad ngin ym shah pynngop ha kino kino ki jingtyrwa lyngba ka BJP ne NDA,” u la ong.
Haba pynpaw halor ki thong kiba hakhmat kum u MP bathymmai na Tura, u Saleng u la ong ba un rah hapoh parliament ia ki mat kiba la slem ka Jylla kaba kynthup ia ka Inner Line Permit (ILP), ka jingkynthup ia ka ktien Khasi bad Garo ha ka khyrnit kaba phra jong ka Riti Synshar Ri bad ban rah ia ka mat ban wanrah ka jingkylla ha ka Citizenship Amendment Act (CAA) nalor kiwei pat.
Nalor kata une u MP bathymmai u la kynnoh ruh ia ka MP barim ka Tura ka Agatha Sangma halor ka jingbym pynmih shikyntien ruh ha kaba iadei bad ka ILP hapoh parliament bad ong, “Ia ka mat kaba iadei bad ka jingdawa ILP la rah da u Vincent H Pala bad ym da ka Agatha.
“Ngi don shibun ki mat ban kren, kata naduh ka jingkyrduh kam, ha ka liang ka pule pule bad halor ki kam bamsap. Ka mat kaba iadei bad ka jingjyllei jong u drok ruh kadei kawei na ki mat kaba la khihwin bha ha ka jylla jong ngi bad ia kane dei ban shimkhia ha ka rukom kaba dei,” u la bynrap.
Kane ka jingiehnoh kam jong u Saleng kala nang pynduna ia ka jingdon ki MLA ka Congress ha Iingdorbar Thaw Ain ka Jylla, kata satang sawngut khamtam ha Ri-lum Garo ka bym don shuh ia ki nongmihkhmat hapoh ka Iingdorbar thaw ain.
Leave a Reply