Ïehnoh kam waheh shnong u Nidamon Chulet bad ki dkhot EC ka Mynkrem

Syllad | The Rising MeghalayaMarch 28, 2021

Hadien ka jingshah kynnoh kynta halor ka jingthmu ban wanrah iaka kharkhana saiñ rnga dewiong (coke Factory) ha Mynkrem, Shangpung, West Jaintia Hills District, u ma Nidamon Chulet uba long u waheh shnong ula rai ban iehnoh ia kam waheh shnong haka Sngi U Blei.

U ma Nidamon ula rai ban ïehnoh ia ka waheh shnong haka jingialang paidbah. Nalor u waheh shnong la iehnoh kam ruh u general secretary shnong u ma Wanmiki Iakai bad kiwei kiwei dkhot ka executive shnong kiba don haduh 21 ngut kumjuh u secretary VEC, president VDP bad kiwei kiwei ruh kila iehnoh kam.

Kumban shu pynkynmaw ba kadon ka khubor ba ka executive committee ka shnong ha ryngkat u waheh shnong kila ai NOC iaka coke factory ha Kai Um Mynkrem, kaba dei trei u Nidamon, uba long u waheh shnong Mynkrem.

Shuh shuh halor kane ka Coke Factory ha katei ka shnong ka Jaintia Hills Autonomous District Council (JHADC) ruh kam pat ioh jingtip eiei.