Iehnoh u Enrico iaka kam chairman election committee ka JHTOA

Syllad | The Rising MeghalayaJuly 14, 2022

U Chairman Election Committee na ka bynta ban jied president ba thymmai ka Jaintia Hills Truck Owners Association (JHTOA) u Enrico D Pasi ula iehnoh iaka kam kaba la thung ia u haka 13 tarik une u bnai.

Katkum ka shithi kaba u la phah sha u secretary Election JHTOA, u ma Harpidiyou Suiam u Enrico ula ong “Nga u Enrico D Pasi President jong ka The Association of Meghalaya Traders and Transporters nga kwah ban pynpaw ha phi ia ka jingkwah jong nga ban Resign noh na ka kam kum u Chairman jong ka Election Committee ban pyniaid ia ka General Election jong ka Jaintis Hills Truck Owners Association (JHTOA ).”

Ula kyrpad ia election committee ban pdiang ia kane ka jingieh noh kam jong u kum u chairman jong ka Election Committee bad ula pynpaw ba kane ka dei na ka daw shimet jong u.

Pule | Ki jingpynbna na ka Election Committee jied president JHTOA

Kumban shu pynkynmaw ba elekshon jied u president ba thymmai ka JHTOA la buh tarik ban long haka sngi Nyngkong (18/07/2022), ka taiew ban wan.

Kane ka elekshon committee ki don haduh 6 ngut ki dkhot ba kynthup ia u president JSU u Jersom Shylla bad u president ka HITO u Pynbiang Rymbai bad kiwei kiwei.