Iehnoh u MH Dkhar iaka kam nongialam AJYWO,

Syllad | The Rising MeghalayaOctober 4, 2020

U M Hamrich Dkhar, u nongseng iaka All Jaintia Youth Welfare Organisation Central Body (AJYWO) ula iehnoh iaka kam president ka AJYWO bad ia kane ka kam la shimti noh da u Reachingson Siangshai.

Ia kane u HM Dkhar ula pynbna haka Sngi U Blei hadien ka jingialang kaba jong ka jingialang Central Executive Council ka AJYWO kaba long haka sngi Saitjain.

Ia u H. Deolangki Dkhar la jied ia u kum Secretary General ba thymmai jong ka AJYWO, katba kiwei pat ki nongkit kam jong ka AJYWO la pynneh ia ki kumba ki long. La pynskhem ia kitei ki jongialam ba thymmai jong ka seng ha katei hi ka sngi da u Bah M H Dkhar.

Kiwei ki nongialam ka AJYWO East Jaiñtia Zone kidei u KD Heatermoon Ryngkhlem kum u President bad ia u Embok Dkhar kum u General Secretary.

Haba kylli na MH Dkhar la u don jingthmu ban rung sha ki seng sain hima sima, ka jubab jong u kalong ba ia mynta ym pat lah ban ong eiei bad ngan trei hi katba lah ka bor naka bynta ka miat ka bha ka imlang ka sahlang.

Ula ban jur iaki nongialam ka AJYWO ban kin trei shitom, trei hok da ka jingiatylli bad ka jingieit ha kino kino ki kam bad ki mat ba ka AJYWO ka shim ne iakhun na ka bynta ka jingbha ka imlang ka sahlang bad ka jaidbynriew.