Ieng pyrshah ka Namdong B bad Mukhnang iaka draft jong ka Delimitation Committee

Syllad | The Rising MeghalayaJuly 8, 2024

Ki ar tylli ki Dorbar Shnong kiba kynthup iaka Shnong Namdong-B bad ka Mukhnang ki la ieng pyrshah iaka draft jong ka Delimitation Committee hadien ba kine ki shnong kila shah pynkynriah naka 10-Mynsngat-Khanduli sha ka Shilliangmyntang-Namdong.

Haka jingialang paidbah kaba long haka 8 tarik Naitung, ki paidbah da kawei ka sur kila mih paidbah ban ieng pyrshah iaka jingthmu ban pynrung ia kine ki ar shnong sha ka Shilliang Myntang MDC Constituency.

Ha kane ka Dorbar la iadon lang naduh u Waheh Shnong ka Namdong-B, Ma DS War, Waheh Shnong Mukhnang, Ma Runi Mukhim, Secretary ka Namdong B, Ma Serus Lypon, Ma Apostol Shadap, Ma Linus Pale bad kiwei kiwei.

U Damian S War, ula ong ba kim pyrshah iaka jingphiah constituency, hynrei lada iaid shakhmat ban kynriah iaka Namdong B bad ka Mukhnang sha Shilliangmyntang, kila rai ban sngeh ban iashimbynta haka election MDC bad kam ym don polling station haka. Ula ong ba ka jingphiah iaka constituency kala pharia iaka raij Namdong haki lai bynta kam iahap satia katkum ka jinglong jingman ka shnong, kumta kila kyrpad iaka commitee ban shimkhia ban pynneh iaka Namdong haka Mynsngat Khanduli.