Ieng skhem ka JAC ban pyrshah iaki trok trailer pdiang iaka dor kitnong thymmai

Syllad | The Rising MeghalayaJune 4, 2020

Ka Joint Action Committee kaba iasoh lang ka Jaintia Hills Truck Owners and Driver Association (JHTOA) bad ka All Jaintia Cement and Clinker Transports Association (AJCCTA) kala pdiang iaka dor kaba la pynbeit thymmai ban kit ban bah ki trok bad ka ieng skhem ban pyrshah iaki trok trailer ban wan kit mar shapoh jylla ba ka ktah iaka kamai kajih ki trok trai jylla

“Baroh shi katta ngim ju ioh ka dor kaba thikna ban kit ban bah mar, hynrei ka jingpynbeit thymmai ka sorkar lyngba ka tnad Transport iaka dor bai kali ha kaban kit ban bah kalong ka jingkyrkhu kaba khraw ia baroh ki nongniah bad trai trok ha Rilum Jaiñtia bad Jylla,” la ong u Nidamon Chulet hadien ka jingialang kaba long ha haka sngi Balang ha Hynniawmer, West Jaintia Hills District.

Ka JAC kala pdiang hun ïaka jingpynbna jong ka sorkar Jylla lyngba ka tnad Transports halor ka bai kali ban kit mar kaba la kyntiew dor sha 9 tyngka haka shi kilometre shiton haka surok rong, T.10 shi ton haka ki surok maw bad haka surok khohruh khohram T.12 shi ton.

U Nidamon ula ong ba haka jingïalang da kawei ka sur la mynjur ban pdiang ïaka jingpynbna jong ka sorkar haka 13 Kyllalyngkot 2020 lyngba u Commissioner bad Secretary sha ka sorkar Jylla, Transport Department.

Ka JAC kala rai ban khot jingialang hapdeng ki nongpyniaid jong ki kharkhana dewbialt ah rilum Jaintia ha Jowai bad iakren ban pyntreikam iaka dor thymmai namar ba ki kharkhana dewbilat kila khniot dor shaba palat liam halor ka bai kit bah bah ki trok trai jylla bad kumjuh la rai ban ieng beit haka nongrim ban pyrshah iaki trok bun tyre ne ki trailer trok namar ba ka ktah iaka kamai kajih ki trai trok trai jylla.