Ingkhong khait ka ïing bad kali ha Bakur

Syllad | The Rising MeghalayaNovember 20, 2019

DAWKI: Ka ding kaba la klang jur kala pynkylla dpei ïaka ïing kaba don bad ka kharkhana steel fabrication bad furniture haka miet sngi ba Ar haka shnong Bakur, Dawki.

Ka khubor kaba ïohlum ka ïathuh ba kane ka jingjia kala jia haka por miet haka por kumba 11-11:30 PM bad ka ding kaba shyrkhei kala bam duh ia baroh ki tiar ki tar kiba don ha kitei kharkhana bad kawei ka kali Maruti Alto 800 kaba dang thymmai kaba set ha katei ka ïing.

La ïathuh ba ka kane ka jingkem ding katei ka iing kala sdang naka kharkhana steel fabrication bad ki thylliej ding kila pur sha ka kharkhana furniture bad kala nang nang klang jur bad bam shngiam lut ïaka iing.

Kane ka iing ka dei kaba dei trai da u Riangdoh Gashnga.

Ki paidbah kiba ïohi ïa kane ka jingjia kila pyntip mar mar sha ki pulit pynlip ding, hynrei namar bala klang jur ka ding kala bam duh ïa katei ka iing bad ka jingjulor kala kot da ki phew lak.