Inter District U-19 Boys Cricket: Buh jaka ka East Garo Hills haka final, hap ap ka Shillong na Zone 1

Syllad | The Rising MeghalayaApril 28, 2022

Ka Shillong CA (A) kan hap ap iaka resol lashai ka sngi hapdeng ka Ri Bhoi pyrshah iaka East Khasi Hills ban iakneh rung haka final jong ka Inter District U-19 Boys Cricket jong ka Meghalaya Cricket Association (MCA) ban ia aireng pyrshah iaka All Jaintia Cricket Association haka Zone 1.

Haba phai sha ka jingiakhun mynta ka sngi ha Khliehtyrshi ka Shillong CA kala pynliem da 30 run pyrshah iaka Shillong CA (B).

Na ka Zone 2 ka East Garo Hills kala buh jaka ialade haka final da ka nam jop kaba 7 run pyrshah iaka Tura DCA.

Ka East Garo Hills kaba dei ka kynhun kaba wan haka kyrdan kaba ha khliehduh haka miej iakhein point kala rung shi syndon sha ka final naka Zone 2, katba ka Zone 1 pat la phiah 2 thup ha kaba ka All Jaintia Cricket Association kala buh jaka ialade haka final na ka Group B.

Ha ka jingiakhun kaba long ha Tura , ka EGH kala liem lut baroh 10 wicket bad kamai 126 in 22.3 over. Ka Tura haba beh iaka thong kala kamai tang 119/8 bad u Jadilbirth u nongkawang bol ka EGH uba la khyrwit 3/22 bad ka 20 runs ula khur iaka player-of-the-match. 

Ha Khliehtyrshi, ka SCA (A) kala bala tied nyngkong kala kamai 171/10 naka 28.4 over.

U Mrinal Das sula kamai 86 naka 48 ball, Mrityunjay Bharali (47). u Basant Chettri ula khyrwit (4/26) wicket, u Jerimaiah L Kynshi (2/23) bad Angkit Tamang (2/43) kila ioh mar ar wicket.

Haba beh iaka thong ka SCA (B) tang u Ayush Sharma uba la kamai bun run 23, katba Mrinal ula ialehkai bha bad ula ioh khyrwit wicket 4/12 bad ka 86 run kaba la biang pura ia u ban khur iaka player-of-the-match.

U Raghav Magotra (2/28) bad Navin Kumar (2/31) kiba la khur wicket bad haduh ba kut ka SCA (B) kala kamai 141 naka 27.1 over bad duna 30 run. 

Ka SCA (A) kan wat la ka long haka kyrdan kaba khliehduh haka miej iakhein point da kaba khur 8 point mar katjuh bad ka SCA (B), ka tam pat haka run rate rate naka Gourp A, hynrei kan hap ban ap iaka jingiakhun kaba long lashai ka sngi hadpeng ka Ribhoi pyrshah iaka East Khasi Hills.

Ka Ri Bhoi kala kamai 4 point bad lada ka jop bun iaka East Khasi Hills ka lah ban iakhnieh buh jaka haka final na Zone 1

Ha Tura, ka jingiakhun bangja na Zone 2 kanlong hadpdeng ka South Garo Hills pyrshah iaka North Garo Hills.