International Day of Action For Rivers: Da ka jingpynkhuid iaka Wah Kwai pynlong ka Moolamylliang BMC

Syllad | The Rising MeghalayaMarch 14, 2022

Ka Moolamylliang Biodiversity Management Committee (MBMC) ha ryngkat ka jingiatreilang ka Moolamylliang Upper Primary School bad Moolamylliang District Council Lower Primary School kum ka shibynta ban rakhe iaka International Day of Action For Rivers kila pynlong da ka jingpynkuid iaka wah Kwai kaba don hapoh ka shnong Moolamylliang.

Ka International Day of Action For Rivers ka dei ka dei kaba kyrpang ha satlak ka pyrthei bad manla u snem haka 14 tarik u Lber la rakhe ia kane ka sngi ban ialap pynneh pynsah iaka um bad ka jingkongsan ki wah.

Ha kane ka jingpynkhuid ia kane Wah Kwai la sdang da ka jingkren maitphang da u D L Rymbai, Chairman MBMC ha ka jingiadonlang ki nonghikai bad ki khynnah skul jong ki ar tylli ki skul bad ki nongkitkam jong ka shnong.

“Ka MBMC kan nang bteng ban ialap ban pynneh pynsah bad pynkhuid pynbha ia kane Wah Kwai ha ryngkat ka Dorbar Shnong namar kane ka wah ka long kaba don nam ha ki por ba mynshwa, hynrei ka jingiaid jong ka por katba nang mih ki sngi ka nam jong ka la jah bad ngin pyrshang ban pynim biang ia ka,” la ong u ma Appor Dkhar Joint Secretary MBMC.