Ioh bat biang u ma Hamly Dkhar iaka kam waheh chnong ha Mowtyrshiah A

Syllad | The Rising MeghalayaFebruary 22, 2021

U Ma Hamly Dkhar ula shah jied biang kum u whaheh chnong ba pura jong ka shnong Mowtyrshiah A hadien ba ki paidbah ka nongshong shnong kila jied biang ia u haka jingjied waheh chnong kaba long haka sngi Nyngkong.

Nalor u waheh chnong la jied ia u ma u Satellite Lapasam kum u secretary shnong.

Ha kane ka jingjied waheh shnong n aka bynta ka samoi treikam ba ar snem 2021-22, 2022-23 kaba long ha iing dorbar ka Mowtyrshiah A la iadonlang u Dolloi elaka Raliang u ma Chawas Lyngdoh.

U Dolloi ka Elaka Raliang hadien ka jingiajied ula pynbna ba u ma Hamly Dkhar ula shah jied biang kum u waheh shnong ka Mowtyrshiah A.

Haka jingkren kitbok kitrwiang ia u waheh shnong thymmai, u ma Wining G Sungoh MDC ka thain ula kyntu ia u waheh chnong bad secretary shnong ban trei shitom ban wan rah ia ka shong suk shong sain bad ka roi ka par. U la ong ba ki waheh chnong bad ki doloi ki dei ki briew ba la pynkhambor da ka District Council bad ki dei ban trei kam kat kum ki kyndon ba la pruid dak ha ka sanad.

Kiwei kiwei kiba ai jingkren ki kynthup ia u Kamdathmu Suchiang, u Homely Lapasam bad la ioh ruh ka jingkren na u waheh chnong bad secretary shnong.