Ioh DC thymmai ka East Jaintia Hills shah pynkynriah ka Kong RM Kurbah kum ka DC Ri Bhoi

Syllad | The Rising MeghalayaJanuary 18, 2022

Ka East Jaintia Hills District bad ka Ri Bhoi District kila ioh ia ki Deputy Commissioner (DC) ba thymmai.

Katkum ka jingpynbna bala pynbna ka sorkar haka sngi ba ar, kine ki DC ba thymmai ki dei u Abhilash Barnawal, IAS bad u Arpit Upadhyay, IAS.

U Abhilash Barnawal la pynkynriah ia u na ka kam Additional District Magistrate i/c Amlarem (Civil) Sub-Division, Amlarem bad thung ia u kum u Deputy Commissioner, East Jaintia Hills District, Khliehriat naduh ka sngi ba shimti iaka kam tad haduh bala pynbna da kumwei.

U Arpit Upadhyay, IAS Additional District Magistgrate i/c Pynursla Civil Sub-Division Pynursla la pynkynriah bad thung ia u kum u Deputy Commissioner Ri-Bhoi District, Nongpoh.

Katba ka Kong Rosetta Mary Kurbah, IAS, Deputy Commissioner, Ri-Bhoi District, Nongpoh la pynkynriah bad thung iaka kum ka Secretary to the Govt. of Meghalaya, Health & Family Welfare Department.