Ïoh DC thymmai ka Shillong & Jowai

Syllad | The Rising MeghalayaMarch 12, 2019

JOWAI: Ban pynlong  ia ka elekshon sha ka iing dorbar thawain jong ka Lok Sabha kaba khuid bad suba, ka sorkar jylla mynta ka sngi ka la bujli noh ia ki Deputy Commissioner jong ka East Khasi Hills District bad ka West Jaiñtia Hills District.

Katkum ka hukum bala pynmih da ka Sorkar Jylla haba pyntreikam ia ka jingbthah jong ka Election Commission, u Abhishek Bhagotia, IAS uba bat mynta ia ka shuki Secretary jong ka tnat Secretariat Administration Department yn leit shimti noh ia ka shuki Deputy Commissioner jong ka East Khasi Hills District.

Shuh shuh ia ka shuki jong u Bhagotia yn leit shimti noh da ka Kong Matsiewdor War Nongbri IAS kaba long ka Deputy Commissioner jong ka East Khasi Hills District.

Ka Sorkar ka la pynkynriah kam noh ïa u Deputy Commissioner jong ka West Jaiñtia Hills District u Ma Garod LSN Dykes bad haka jaka jong u yn wan shimti da u CP Gotmare IAS uba long mynta u Joint Secretary jong ka tnat Education bad ia ka shuki jong u yn shimti noh da u Ma Garod.