Ïoh ïing Aganwadi bad top um ka shnong Sahsniang

Syllad | The Rising MeghalayaAugust 5, 2019

JOWAI: Ka shnong Sahsniang A mynta ka sngi kala ïoh ban plie paidbah ïaka ïing Aganwadi-kaba peit ïaki khynnah bad ki longkmie ha nongkyndong ba kin biang ki jingbam ba tei ïaka mer bad ka koit ka khiah bad ka top um bam um dih na ka bynta ban pynbiang um ïaka shong Sahshniang.

Ïa kane ka ïing Aganwadi la plie paidbah da u MLA ka Mowkaiaw u Ma Nujorki Sungoh bad iaka top um la plie da u Deputy Commissioner, West Jaiñtia Hills District u Garod LSN Dykes.

Ha kane ka jingialang plie kaba long ha phyllaw jong ka Aganwadi la ïadonlang u MDC ka thain u ma Habahun Dkhar, ki BDO na Amlarem, Thadlaskein bad BDO Laskein, ka CDPO, ICDS Laskein Block, ka DPO, ICDS West Jaintia Hills District Jowai, bad u Junior Engineer PHE, Jowai Division, Jowai.

Ïaka Aganwadi Centre la shna da ka jingiatreilang ka ICDS bad MGNREGS Laskein Block bad iaka top um la ioh pisa tang naka MGNREGS 2017-18.

Ka long kaba sngewtynnad shibun eh ba ia katei ka Aganwadi Sahsniang-E Centre la pynbna ïa ka kum ka Model sector Centre kaba kiwei ki Aganwadi kin bud iaka nuksa jong ka.

Baroh ki nongkren kynthup u MLA bad u DC kila kyntu ïaki nongtrei Aganwadi ban sumar bha ia kane ka iing bad ba lehkhuid.

U MLA ula ong ba ka roi ka par jong kano kano ka shnong kan wan ka dei tang lyngba ka jingiatreilang abd u khot u wer ïa baroh ban iatreilang ha kano kano ka kam ban myntoi u paidbah.