Ioh ïingskul thymmai ka Lumpyngngad

Syllad | The Rising MeghalayaJuly 13, 2022

U Myntri ka tnad pule puthi bad Ma Lahkmen Rymbui ula plie paidbah ïaka ïingskul bathymmai jong ka Lumpyngngad Upper Primary School, Amlarem Sub Division haka sngi Nyngkong.

Ïaka ïingskul kaba don lai kamra la tei lyngba ka MDC bad MLA skhim jong u MLA barim ka thaiñ u Stephanson Mukhim.

Ha kane ka jingialang plie ia kane ka skul nalor u Ma Lahkmen uba long ruh u MLA ka thain la iadonlang ka SDSEO Amlarem ka Kong Suwanlura Pyrtuh, u waheh shnong Lumpyngngad u Ma Sukman Swer, ki khynnah skul, ki nonghikai, ki kmie ki kpa bad ki nongshong shnong.

Ïaka Lumpyngad UPS la seng haka 9 tarik Rympang 2015 da ka Dorbar Shnong Lumpyngngad ban plie lad iaki khynnah ïaka bteng iaka jingpule hala shnong.

U Lahkmen Rymbui haka jingkren ula ong ka long ka jingkmen ban plie ïa kane ka jingtei kaba la ai ka jingshakri ïaki khynnah ha ka pule puthi bad ula kular ban iarap shuh na ka bynta pynbha pynmiat iaka skul.

La pynshong shit ïa kane ka jingïalang da ka jingrwai bad ka jingshad na ki khynnah skul.