Ioh jaka treikam ka MPUF ha EJH, thaw sa iaka Khliehriat Circle

Syllad | The Rising MeghalayaJanuary 21, 2021

Ka Meghalaya People United Front (MPUF), East Jaintia Hills District kala Ioh ban plie ïaka ophis treikam ba pura jong ka ha Khliehriat, East Jaintia Hills bad kala bad pynkha ruh sa ïa ka tnad Khliehriat Circle haka sngi Balang.

Ïa kane ka ophis treikam la plie ïaka da u President MPUF central body u Dapoiwanmi Laloo bad ha kajuh ka por ula pynskhem ïaki dkhot nongkitkam ka MPUF-Khliehriat Circle.

Ha kane ka sngi la don lang u President ka MPUF East Jaintia u Kyrshan Blah, u General Secretary-CB u Aimom Syad bad kiwei kiwei ki dkhot haka jingïalang ka ba la pynïaid da u General Secretary u Kmenlang Siangshai.

U Kyrshan Blah ula ïathuh ba ka thong kaba ki la plie ïa katei ka ophis treikam bad kumjuh ruh ban pynkha ïa ka tnad treikam kalong ban pynkhlain ïa ka jingshakri bad khamtam ba kum ki samla kin ïeng tylli ban ïada ïa la ki para doh ki para snam ba kin nym shah khñioit beiñ ha la ka jong ka jaka ka muluk.

Ki nongkitkam ba hakhmat jong ka MPUF-Khliehriat Circle ki long u President Sanjoy Bareh, General Secretary Thawlad Lyngdoh bad 15 ngut kiwei pat dkhot.