Ioh jaka treikam kaba pura ka CLF Namdong kaba kdup iaki 150 SHG’s
U BDO ka Namdong C&RD Block Dr. Heimonmi Niang haka 31 tarik Jymmang u la wan plie paidbah iaka ophis trei kam jong ka Iachemlang I Women Cluster Level Federation (CLF) ha Namdong Cluster ha Namdong-B.
Ha kane ka sngi la ia don lang ruh u Waheh shnong ka Namdong-B Ma Damian S War, u Acting Waheh Raij ma Lambor Lyngdoh nalor ki dkhot bad nongkitkam ka CLF ba kynthup iaka president kong Donasynta Lyngdoh bad secretary kong Wanbiang Khongjoh.
![](https://www.syllad.com/wp-content/uploads/2024/09/JIT-Vacancy-823x1024.avif)
Baroh ki nongkren kila kren ai mynsiem bad kitbok kitrwiang iaka CLF, iaki VO iaki SHG’s hi baroh ba kin nang trei shitom khnang ba kin nang lah ban iaid shakhmat ha ki kam jong ki ban myntoi ka shnong ka thaw bad ka lad kamai jakpoh jong ki.
Kum ban shu pynkynmaw iaka Cluster Level Federation Namdong Cluster la sdang iaka haka 24/1/2022 ka CLF ka kdup iaki 11 tylli ki Village organisation (VO) bad 150 tylli ki SHG’s.
Haka juh ka por ka CLF kala pynlong ruh iaka Annual General Meeting (AGM ) ha community hall Namdong-B, haka jingdonlang u Rolin Shadap Distric Mission Manager, Jowai bad u Donbok Nongpoh Block Project Manager hakane ka sngi la wan ban sakhi lang ruh da u waheh shnong ka Thadmukoh ma Hoping Phawa bad u waheh shnong ka Lumrot ma Nobelki Ryngkhlem ryngkat ka jingdonlang ki dkhot jong kI SHG naki shnong pher ba pher.
Leave a Reply