Ïoh jingai sngewbha Christmas ka longkmie na West Jaintia Hills da ka ïing PMAY-G
Ka ophis District Rural Development Agency, West Jaintia Hills District, Jowai, haka 22 tarik Nohprah ka la ioh ban plie ia kawei ka iing bala shna lyngba ka scheme PMAY-G ha ka shnong Moosakhia kaba don hapoh ka Amlarem C&RD Block, West Jaintia Hills, ia kaba la aiti noh sha ka Kong Solbi Suting naka shnong Moosakhia.
Ia kane ka programme la pyniaid da u G Mylliem, Block Development Officer, Amlarem C&RD Block. Ha kaba u la ai ruh iaka jingkrenpdiang bad jing ai khublei ia baroh ki ba ia don lang ha kane ka programme.
La ioh ruh iaka jingduwai na u Lewis Bareh, Rangbah Balang jong ka Balang U Blei na ka shnong Moosakhia.
Ha kane ka programme la ioh iaka jingkren na u Waheh Shnong Moosakhia Deimon Suting, na u FB Basan Additional Deputy Commissioner & Project Director, West Jaintia Hills, na U Father Manbha Pakem bad na u kongsan jong kane ka programme Shri B.S.Sohliya, Deputy Commissioner West Jaintia Hills District.
U kongsan ha ba ai jingkren U la ai khublei ia ka DRDA team bad ka Block Development Office Amlarem baroh kawei kiba la trei shitom ban pyndep ia kane ka iing kaba don san kamra. U la ong ruh ha kine ki sngi, ngi iohi iaka jingiashun jingiakulmar bad jingiakynad ha baroh sawdong sawkun, hynrei mynta hangne ngi iohi iaka jingkyrmen bad jingiatiplem para briew, ha kaba lyngba ka jingiatylli lang jong ki briew sorkar, ki nongshong shnong bad ki VO, Self Help Groups (SHGs) jong ka shnong Moosakhia la lah ban pynlong ia kane ka iing. Kumta, U la buh ka jingkyntu ia baroh ban iai bteng ia kane ka kam babha.
La ioh ruh iaka jingkren na ka Kong Solbi Suting, ka nongioh myntoi na PMAY-G ha kaba ka la pynpaw iaka jingsngewnguh haduh katta katta ia ka sorkar bad baroh ki ba ia don bynta ban pynioh iaka iing kaba la long shisha kum ka jingai sngewbha Christmas iaka longiing jong ka.
La ioh ruh iaka Poem recitation na ka liang ka VO (Village Organisation) jong ka shnong Moosakhia, ka jingrwai na Kamwakwah Muksor bad na ki staff jong ka DRDA. La ai ka jingkren ai khublei da ka Kong Sammaia Lato, ITP PMAY-G.
Facebook
Instagram
Youtube
Twitter
Leave a Reply