Ioh kem ia u ba byrngem pynbthei bom ha nongbah Shillong, kam ba u dei u ‘Ri Bhoi gang’
Uwei u briew u la shah kem noh ha ki pulit ka Jylla ha ka 23 tarik halor ka jingshah kynnoh ba u la byrngem ban buh bom ha ki bun tylli ki jaka ha kylleng ka nongbah Shillong.
Une uba shah kem u dei u Edward Maiong 37 snem ka rta. U la shah kem na ka jaka sah ba shipor jong u kaba don ha Lower New Colony Laitumkhrah hadien ka jingmuduir ejahar pyrshah ia u, la iathuh u SP ka East Khasi Hills u bah Vivek Syiem.
Katkum ka jingujor ejahar, u nongmudui u la ioh pdiang ia ka SMS lyngba ka phone na u number bym lah ban tip uba byrngem ban buh bun tylli ki bom hapoh ka nongbah Shillong.
U nongphah ia kane ka sms u la pynpaw ba u dei u dkhot jong ka ‘Ri-Bhoi gang’.

Mar ia ioh ia ka jingujor ki pulit kila register iaka case katkum ka case Sadar P.S Case No.29(01)2025 hapoh ka kyndon aiñ section 351(4)/353(2)/61(2) bad 113(2)(b) BNS Act.
U Bah Vivek Syiem u la ïathuh ba mar mar na ka liang ka Special Operation Team (SOT) jong ka East Khasi Hills ki la shimkhia bad pynlong ïa ka jingkhynra ryngkat ka jingïarap jong ki pulit na ki District ba marjan.
“Hadien ba la pynlong ïa ka jingkhynra baroh shimiet ban lap ïa une u briew, ki Special Operation Team (SOT) ki la lah ban kem ïa u Edward Maiong na ka jaka sah ba shipor jong u. Ka phone kaba la pyndonkam ban phah iaka jingbyrngem ban pynbthei bom ruh la lap bad la kurup iaka,” u la bynrap.
U SP u la ong ba ym lah ban kyntait ïa ka jingïadei jong u Edward bad ki kynhun lehnoh ha kane ka por namar ki don ki sakhi pyrshah ïa u.
Ki pulit ka district ki dang pynlong ia ka jingkhynra kaba jur ha baroh ki jaka ha ka nongbah bad ka jingpahara hapoh ka district ban khanglad ia kino kino ki jingthmu ban pynthut ia ka jingrakhe ia ka Republic Day, ula ong u bah Vivek bad khot ruh iaka jingiatreilang na ki paidbah ban tem iaki sniew.

Leave a Reply