Ioh kem ki BSF 7 ngut ki nong Bangladesh na ka thain thain Pynursla

Syllad | The Rising MeghalayaAugust 11, 2024

Ki shipai Border Security Force (BSF) ha ryngkat ki bor pulit ha ka 10 tarik mynta u bnai ki la ioh ban kem noh ia hynniew ngut ki nong Bangladesh bad arngut ki nongiarap pynrung tuh kiba dei ki nong India na ka khyrdop talasi ha Pynursla, East Khasi Hills.

Namar ka jinglong jingman bad ka jingkhihwin hapoh ka ri Bangladesh, kumta ruh na ka liang ki shipai BSF ki la pynjur ia ka jingpahara ha lynter ki jaka khappud ka India-Bangladesh khnang ban lah ban khanglad ia ka jingwan rungtuh jong ki briew napoh Bangladesh.

Lyngba u kyrwoh ki shipai BSF ki pyntip ruh ba ia kine ki nong Bangladesh ba la shah kem kumjuh ia ki nongiarap na India la aiti noh sha ki bor pulit ka thain ban leh shuh shuh ia kaba donkam katkum ka ain.