Ioh kem ki BSF bad pulit ia ka nong India ha ryngkat shibun ka pisa thok

Syllad | The Rising MeghalayaNovember 3, 2024

Ki shipai Border Security Force (BSF) Meghalaya ha ryngkat ka jingiatreilang bad ki bor pulit ha ka 2 tarik u Naiwieng ki la ioh ban kem noh ia kawei ka longkmie nong India bad ioh ban kurup noh ia ka pisa thok na ki bynta khappud ka South West Khasi Hills district ka Jylla.             

Hadien ba la ioh ia ka jingtip kaba bniah, ki BSF na ka 193 Bn ha ryngkat ki pulit ka Meghlaya ki la pynlong ka jingkhynra hapoh kawei ka iing ha ki bynta ka Gumaghat hajan khappud jong ka ri ha kaba ki la ioh ban kurup noh ia ka pisa thok kaba dei ka pisa India kaba haduh T.70,000, kata da ki lut T.500.

Hadien kane la kem ba aiti noh ia kane ka longkmie bad ka pisa ba la ioh kurup sha ki bor pulit ka Ranikor PS ban pynlong shuh shuh ia ka jingtohkit bad leh ia kaba donkam.