Ioh kem ki BSF ia uba thmu shalan kyiad beain shapoh Bangladesh

Syllad | The Rising MeghalayaAugust 24, 2024

Ki shipai Border Security Force (BSF) ka Meghalaya ha ka jingbteng ban tehlakam ia ki kam khaii beain lyngba ki jaka khappud hapdeng ka India bad Bangladesh, ha ka 23 tarik Nailar ryngkat ka jingiatreilang bad ki bor pulit ki la ioh ban kem noh ia uwei u nong India ha ryngkat shibun bah ka kyiad ia kaba la thmu ban khaii tuh shapoh Bangladesh lyngba ki jaka khappud ha ka thain Pynursla, East Khasi Hills.

Kane ka jingioh kurup ka la wan long hadien ba ki BSF ki la lapdien ia kawei ka kali Alto hajan kawei ka lad ha surok Pynursla kaba kit ia shibun bah ki jait kyiad bapher bapher.

Hadien kane ki shipai ki la kem noh ia u nongniah jong kane ka kali hadien ba um shym la lah satia ban pyni ia ki kot ki sla kiba biang ha kaba iadei bad ka jingkit ia kane ka kyiad.

Ia une u briew kumjuh ia ka mar bad ka kali ba la kurup la aiti noh sha ki bor pulit ka Pynursla Police Station na ka bynta ban pynlong shuh shuh ia ka jingtohkit.