Ioh kem ki pulit Home Guard ia u nongtuh na Secretariat

Syllad | The Rising MeghalayaDecember 20, 2024

Arngut ki pulit Home Guard kiba don hapdeng ka kam ha ka 19 tarik Nohprah ki la ioh ban kem noh ia uwei u nongtuh katba u dang pyrshang ban rong tuh ia u generator ba pynshong ha lyndet jong ka 3rd Secretariat, Shillong.

Kine ki arngut ki Home Guard kiba la ioh ban kem noh ia une u nongtuh ki kynthup ia u Lingbirth Arengh bad u Darmiki Langstang.

Kine ki nongap pahara ki la iohi ia une u nongtuh katba u dang iaid hajan 3rd Secretariat ha ka rukom kaba pynsuba jur kaba la pynlong ia ki ba kin bat noh ia u.

Hadien kane ki la pyntip noh sha kiba halor jong ki bad hadien ia une u briew la aiti noh sha ki bor pulit ka Sadar Police Station ban leh ia kaba donkam.