Ioh khaw ki longïing ba duk ha Ialong & Phlongingkhaw na ki Pulit

Syllad | The Rising MeghalayaApril 4, 2020

Ki longïing ba duk jong ka shnong Phlongingkhaw, kaba hap ha Ummulong Beat House bad ka shnong Ialong, kaba hap ha Phramer Traffic Cell kila ioh khaw bad kiwei kiwei mar bam na kine ki thanad.

Kine ki ar thanad kila ai jingiarap da u khaw bad kiwei ki mar bam haka jingsam mar bam haka sngi Thohdieng bad ka Sngi Saitjain.

Ha Phlongingkhaw, u Waheh Shnong ma Humphry Mukhim ula iathuh ba ki don haduh 10 tylli ki longiing kiba la ioh jingiarap na u Pulit jong ka Ummulong Beat House.

Katba ha Ialong u SI E Pohchen bad ki ka kynhun jong u kila ai khaw sha ki 6 tylli ki longiing la ong u ma Bishar Shylla uba la iadonlang ha katei ka jingsam marbam sha kitei ki longiing.

U Ma Bishar bad u ma Humphry kila pynpaw ka jingsngewnguh ïa kine ki thanad kiba la kloi ban ïarap ïa kiba duk ba kyrduh ha kum kane ka por bas hem jingeh ki paid nongshong shnong.