Ioh khusnam 3 ki ophisar bad 5 ki pulit Civil Defence & Home Guard na ka MHA

Syllad | The Rising MeghalayaDecember 5, 2024

Lai ngut ki Ophisar bad 5 ngut ki shipai ka Meghalaya Civil Defence & Home Guard bad 2 ngut ki Home Guard Volunteers ki la ioh pdiang ia ka khusnam Commendation Disc and Certificate na u Director General Fire Services, Home Guards and Civil Defence, jong ka Ministry of Home Affairs, ha ka sngi rakhe ia ka Raising Day kaba 61 jong ka Civil Defence & Home Guard ha New Delhi.

Napdeng kine u Bah PH Khongsngi Commandant, Border Wing Home Guards Battalion u la ioh pdiang ia ka khusnam DGCD, MHA, New Delhi, Gold Disc.

U Bah B Sahkhar, 2nd in Command, Border Wing Home Guards Battalion bad ka Kong S Langstieh, Superintendent, Directorate of Civil Defence and Home Guards, Meghalaya ki la ioh pdiang ia ka khusnam DGCD, MHA, New Delhi, Silver Disc, katba u SCR Sangma, Deputy Controller ka Civil Defence, West Garo Hills District u la ioh pdiang ia ka khusnam Bronze Disc.

Ki sawngut kiwei pat ki pulit bad arngut ki Home Guards Volunteer ki la ioh pdiang ia ka khusnam DGCD, MHA, New Delhi, Bronze Disc.

Baroh ki don haduh 211 ngut kiba la ioh ia ka khusnam Commendation Disc & Certificate kaba kynthup ia 1 Gold Disc, 8 Silver Disc bad 202 tylli ki Bronze Disc.