Ioh khusnam Padma Shri ka longkmie na Shnong Mulieh

Syllad | The Rising MeghalayaJanuary 25, 2020

JOWAI: Ka jingtreishitom jong kawei ka longkmie ban wanrah ia jingkylla ha ka shnong ka thaw jong ka ka la seisoh shisha namar ka Sorkar India ka la rai ban pynkup burom ia ka Kong Trinity Saioo da ka khusnam Padma Shri Award mynta u snem.

Ka Kong Trinity ka dei ka trai shnong na ka Shnong Mulieh ha West Jaintia Hills District.

Ka la sdang ia ka jingthung shynrai kumba san snem mynshwa ha ka shnong jong ka bad ka la hikai ia kiwei pat ki para shong shnong ban sdang ban thung shynrai.