Ioh khusnam State Award ka nongthain na Shangpung
Ka Kong Fully Niang kaba na ka shnong Shangpung Pohshnong, West Jaintia kala ioh pdiang iaka khusnam ‘State Awardee for Handicraft Artisans jong u snem 2018-19.’
Kane ka khusnam ka dei kaba la ai da ka tnad Commerce and Industries manla u snem sha ki nongthain nongthaw ba kiew shakhmat ha ki kam shna, thaw, thain dala ki jong ki kti.
![](https://www.syllad.com/wp-content/uploads/2024/09/JIT-Vacancy-823x1024.avif)
Ia kane ka khusnam la aiti da u Deputy Commissioner, West Jaintia Hills Distict, Ma Garod LSN Dykes ha kamra treikam jong u haka sngi ba Ar.
Ha kane ka jingaiti iaka khusnam la iadonlang u General Manager District Commerce and Industries Centre ma Pearlet Toi bad ki nongtrei ka tnad DCIC.
Ka kong Fully Niang ka dei kawei na ki longkmie kaba la iaid bha shakhmat ban thaw ban thain iaki kriah, ki shang, ki sah skhor bad kiwei kiwei ki jingdeng bala shna na ki skhen bad rimet.
![](https://www.syllad.com/wp-content/uploads/2020/08/IMG_20200825_131024-1024x473.jpg)
Kiwei kiwei kiba ioh ia kane ka khusnam ki kynthup ia u Bashai Sohtun na Pomlakrai, Liewlong Laitkor, East Khasi Hills District, ka Dameris Khongwet na Tangmang, East Khasi Hills District, u Trebith Ch. Momin na Dabit Ampangdam Baghmara, South Garo Hills bad U Bikram Marak Mendipathar, North Garo Hills District.
Da ka jingiohpdiang ia kane khusnam kine nongthain nongthaw kin sa ioh ka khusnam pisa T.5 lak ban shna iaki iing ban treikam bad ban hikai ia kiwei kiba don sap haka thain ka thaw.
Leave a Reply