Ioh kup ka samla Aishwariya Malang iaka pansngiat Miss Jaintia Queen

Syllad | The Rising MeghalayaOctober 13, 2024

Ka samla Aishwariya Malang kala iohkup iaka pangsngiat bha briew Miss Jaintia Queen 2024 kaba la pynlong haka sien kaba nyngkong eh da ka Khliehiongriang Social and Cultural Club haka miet 12 tarik Risaw ha District Library Auditorium, Jowai.

La pynlong ia kane ka jingiakop bha briew kum shibynta ban pynmih pisa na ka bynta ban tei iaka iing dorbar jong ka shnong Khliehiongriang.

Ia ka nam lahduh ba ar bad balai la ioh rah da ka Dorachwa Daw bad ka Ephida Ymbon

Ia kane ka jingiakop bhabriew la pynphuh pynphieng da ka jingiadonlang u bah Paul Lyngdoh Myntri ka tnad Tourism ka Sorkar Jylla kum u kongsan, u Ma Phasmon Dkhar EM JHADC kum u symbud kongsan bad kiwei kiwei.

U Bah Paul haba kren ula pynpaw iaka sngewkmen ba ki samla kila nang phai sha ka kam ban pynroi iaka sap ka phong bad iaka jinglong jong ki haka jingim.

Ula ong ka ka jingbha briew ka kham palat ban iaka sniehdoh kaba mut haba phi iaid ha kane ka rynsan, hynrei ka jingbhabriew kam dei tang kaei kaba iohi shabar, ka jingmut kaba shisha ka shong haka jingitynnad kaba shapoh bad kaba neh rta, katba ka jingitynnad kaba na shabar ka dei kaba neh tang katto katne por.

Ula ong ruh ba haba don ka jingitynnad kaba na shapoh ne ka inner beauty ka paw ha ki kam ki jam, ka ktien bad ka jinglong jong ngi.

“Ka jingitynnad kaba shisha ka sdang na ka ka jingmut jingpyrkhat. Sumar bha iaki jingpyrkhat jong phi, namar ka jingmut jingpyrkhat kin kylla sha ka ktien. Sumar bha iaka ktien jong phi, kin kylla long ki kam. Sumar bha iaki jingleh kin kylla long sha ka jngmlien. Sumar iaka jingmlien namar kan pynkylla bad sain dur iaka jinglong. Sumar bha iaka jinglong namar ka jinglong kan kylla sha ka lawei,” la ong u Paul

Ha kane ka sngi U bah Paul Lyngdoh ula synniang 3 lak tyngka sha ka dorbar shnong na ka bynta ban tei pynheh iaka community hall jong ka shnong Kliehiongriang.