Ioh kurup 290 gram u drok heroin na Umtyra, shah kem uwei

Syllad | The Rising MeghalayaJuly 31, 2024

Ki bor pulit jong ka East Jaintia Hills hapoh ka jingialam u Dy.SP (Crime) haka 31 tarik Naitung ki la ioh ban kurup noh ia u drok heroin uba khia 290 gram bad kem noh ia uwei u briew uba donkti na Umtyra, East Jaintia Hills District.

Ki pulit kila iathuh ba hadien ba ki la ioh ia ka jingtip kaba thikna ba u don uwei u nongkhaii drok uba kyrteng u Abul Kashim Md Abbas uba dei na Karimganj, Assam uba la wan da ka bus night super ha ryngkat ki jingdih ba beain, kumta ki la pynlong ka jingpynap shrip ha Umtyra bad ioh ban bat noh ia katei ka kali.

Hadien ba la pynlong ia ka jingtalasi la lap ia une u briew hapoh jong kane ka bus ha ryngkat ki artylli ki pla ha kaba la shem ia kine ki jingdih ba beain na kawei na ki pla jong u. Hadien ka jingleh ia ki test hakhmat ki sakhi ba laitluid la shem ba u dei u drok heroin uba don ka jingkhia kaba 290 gram.

Hadien kane ki pulit ki la register case pyrshah ia une u briew hapoh Khliehriat Police Station bad ka jingtohkit ka la iaid shakhmat ban lapdien shuh shuh ia ki briew kiba donkti.