Ioh kurup ka Custom 20 tylli ki biskit ksiar ba shongdor 1.42 klur bad rynsun China na Shillong

Syllad | The Rising MeghalayaDecember 16, 2023

Ka tnad Custom ha ka 13 tarik mynta u bnai ki la ioh ban kurup haduh 20 tylli ki biskit ksiar kiba shongdur T.1.42 klur na ka thain Diengpasoh, Shillong ha kaba ki la kem noh ruh ia uwei u briew uba donkti.

Ia kine ki ksiar kiba na bar ri la lap ba la buhrieh ha ka jaka ba la shna kyrpang ha trai jong ka kali ha ki bynta ka seat pdeng jong ka Maruti EECO, ong u Commissioner of Customs (Preventive) ha u kyrwoh haka sngi 15 tarik Nohprah.

La ong ruh ba kane ka kali ka la don ha ka lynti ban leit shapoh Barpeta, Assam hadien ba ka la shah bat noh. Ia kine ki ksiar la sop da ka black tape ha ki sawtylli ki song ba la sop spain bha bad kiba don baroh ka jingkhia kaba haduh 2331.82 gram ba shongdor T. 1.42 klur.

Ia une u briew la kem noh na ka bynta ban pynlong ia ka jingtohkit bad ban lapdien shuh shuh ia kwiei pat kiba donkti ha kane ka kam beain, ong u kyrwoh.

Ha kawei pat ka jingjia, ki ophisar jong ka Tnat Custom haka 14 tarik Nohprah ki la ioh ban kurup haduh 50 tylli ki pla kiba don baroh ka jingkhia kaba haduh 950 kilo u Rynsun uba dei tynrai napoh China bad uba don ia ka kyrteng Huaguang, ia kiba la ngeit ba la khaii beain lyngba ki jaka khappud. Ka jingtohkit halor kane ka jingjia ka la iaid shakhmat, ong u CCP.