Ioh kurup ki BSF haduh 40 synduk ki soh Apul ba thmu khaii beain sha Bangladesh

Syllad | The Rising MeghalayaOctober 19, 2024

Ki shipai Border Security Force (BSF) ka Meghalaya ha ka 18 tarik u Risaw ki la ioh ban kem noh ia arngut ki nong India na jan ki bynta khappud jong ka ri bad kurup noh ia artylli ki kali kiba kit shibun bah u soh Apul (Apple) ia kiba la thmu ban khaii beain shapoh Bangladesh na ki bynta khappud ka East Khasi Hills.

Hadien ba la ioh ia ka jingtip kaba bniah, ki BSF na ka 04 Battalion ki la pynlong ka jingpynap shrip bad ioh ban bat noh ia ki artylli ki kali kiba kynthup ia ka Alto bad ka Maruti Van kiba kit haduh 40 synduk ki soh Apul na ka lynti surok Dawki – Lyngkhat ha ki bynta khappud ka Pyrdiwah.

Hadien ba la pynlong ia ka jingtohkit, ki nongnioh jong kine ki kali kim shym la lah ban pyni ia ki sakhi satar kiba biang ha kaba iadei bad ka jingthmu ban pynpoi ia kine ki mar lane ban pyni ia ki kot ki sla kiba iadei bad kine ki mar.

Hadien ia kine ki briew ha ryngkat ki kali bad ki mar ba la kurup la aiti noh sha ka Tnad Custom ka Pynursla ban leh shuh shuh ia kaba donkam