Ioh kurup ki BSF haduh 47 tylli ki muid ba thmu khaii beaiñ sha Bangladesh

Syllad | The Rising MeghalayaDecember 30, 2023

Ki shipai Border Security Force (BSF) Meghalaya haka sngi Saitjain ki la lah ban pynpulom noh ia ka jingthmu jong ki nongkhaii beain da kaba ioh ban kurup noh haduh 47 tylli ki muid na ki bynta khappud ka jylla ia kiba la thmu ban khaii beain shapoh Bangladesh.

Ia kine ki muid la thmu ban khaii beain shapoh Bangladesh lyngba ki jaka khappud napoh West Jaintia bad na East Khasi Hills District ka jylla.

Hadien ba la ioh ia ka jingtip kaba bniah, ki shipai BSF ki la pynlong ia ka jingkhynra kaba kyrpang ha ki bynta khappud jong ka ri ha kaba ki la ioh ban kurup noh ia kitei ki muid ia kiba la buhrieh ha kawei ka jaka khlaw hajan khappud jong ka ri hashwa ban pynpoi ia ki shapoh Bangladesh.

Hadien ia kine ki muid la aiti noh shapoh ka police station na ka bynta ban leh shuh shuh ia kaba donkam.