Ioh kurup ki BSF ia ki jain ba shongdor T.42 lak ba thmu khaii sha Bangladesh

Syllad | The Rising MeghalayaAugust 31, 2023

Ki shipai naka 193 Bn Border Security Force (BSF) Meghalaya ki la ioh ban kurup ia ki jain saree kiba shongdor haduh T.42 lak ia kiba la thmu ban khaii beain shapoh Bangladesh lyngba ki jaka khappud ka Meghalaya.

Kane ka jingioh kurup ka la jia ha ki bynta khappud jong ka shnong Barmanbari kaba hap hapoh East Khasi Hills District, kata ha kaba la lapdien ia kine ki saree na kawei ka iing ka bym shym la pyndonkam shuh kaba don hajan khappud bad ka Bangladesh.

Kane ka jingioh kurup ka la wan long hadien ba ki shipai BSF hadien ba ki la ioh ia ka jingtip kaba bniah halor ka jingdon jong kine ki mar ba la thmu ban khaii beain ki la wan poi mardor ha kane ka jaka ban kurup noh ia ki.

Hadien kane ia kine ki jain la aiti noh sha ka ophis ka tnat custom na ka bynta ban leh shuh shuh ia kaba donkam.